Hyderabad: Shehar hyderabad ka ilaqa Borabanda khabron ka zeenat bana huwa hai kyunkay yahan ke rahaishion ne itwaar ko musalsal teesray din bhi zalzalay ki aawazian mehsoos ki hain. Itwaar ke jhatkon ki shiddat Richter scale par 0.8 Record ki gai hai. National Geo Physical Research Institute ( NGRI ) ke Chief Science daan aur zalzala ke khatrah ke maahir Dr D Srinivas ne media se kaha hai ke zalzalay ki wajah se pareshani ki koi wajah nahi hai aur NGRI is sorat-e-haal ki nigrani kar raha hai. Unhoun ne kaha ke Borabanda mein zalzalay ke jhatkay aglay 2 hafton tak jari rahen ge. Dar haqeeqat unhoun ne makeeno ko zoor diya ke woh zalzalay ke khauf se khulay aam jama nah hon.
Doosri janib Borabanda ke Habib Fatima Nagar ke rehne wali khatoon School teacher Rubina Fatima ne media numainday se izhaar khayaal karte hue kaha ke un dinon Borabanda ke kayi ilaqon jin mein Habib Fatima Nagar ke ilawa Site Tree aur Parbhat Nagar bhi shaamil hain yahan raat ke auqaat kisi wazni cheez ko ghaseet kar lijane ki aawazian ayen. Ibtida mein socha gaya ke shayad koi sadak par badi gaadi jarahi ho lekin chand lamhaat mein hi mehsoos huwa ke yeh zalzala ki aawaz hai.
Mujeeb Khan ne kaha ke ek se ziyada dinon se anay wali un awazon ne yahan ke logon ko pareshan kardiya hai halaank un zalzalon se koi jani yeh maali nuqsaan nahi huwa hai lekin Borabanda ke awam ke dilon mein ek khauf ghar kar gaya hai.
Zalzalay ke nuqsanaat aur jaan par ban padney walay lale ke ilawa aawaz ke sath hi awam ke gharon se baher nikal kar jama honay se Coronavirus ke phelnay ke khadshaat bhi badh rahay hain lehaza hukkaam ne mashwara diya hai ke khauf-o-hiraas ke mahol mein pareshan honay ke bajaye thoda shaoor aur misbet zehniat ka muzahira karen.