Uttar Pradesh: Uttar Pradesh ke sabiq cheif minister ND Tiwari ke betay Rohit Tiwari ke qatal ka maamlah Delhi police nay hal kardiya hai. Rohit Tiwari ko is ki ahliya Apurva shukla Tiwari nay hi qatal kiya hai. wazeh rahay ke 16 April ki raat ko Rohit tiwari ki par asaraar mout hogayi thi.
Senior police officer Rajiv ranjan nay media se izhaar-e-khayaal karte hue kaha ke hum naay foreinsic report ki madad se Rohit ki biwi Apurva ko girftar kiya . baad azan pooch tach ke douran is nay qubool karliya ke isi nay Rohit ka qatal kiya hai. kyunkay woh uskay sath shadi karke khush nahi thi .
Delhi crime branch ke ohdedaron nay kaha ke Apurva ne douran-e-pooch tach kaha kay woh Rohit se shadi kar ke khush nahi thi, Rohit 16 April ki raat nasha ki haalat mein ghar louta Apurva nay is ka gala ghoont kar qatal kardiya. Apurva nay kaha ke is nay yeh kaam kisi ki madad ke baghair anjaam diya hai. police ke mutabiq Apurva shukla ko bohat jald adalat mein paish kiya jayega. crime branch ke ohdedaron nay apni tehqiqaat ke douran Apurva shukla, unke ghar ke do noukaroun ko ek namaloom maqam le jaakar pooch tach ki thi. Ibteda may qalb par hamla ke baais Rohit ki mout ki wajah batayi gayi thi. police nay kaha ke Rohit 12 April ko Uttrakhand vote daalnay ke liye gaya tha aur 15 April ki raat wapas aaya. is waqt woh nasha ki haalat mein tha. dosray roz Rohit ke naak se khoon beh raha tha aur woh behosh tha. Rohit ki maa nay Max hospital le gayi jahan Rohit ko murda qarar dediya gaya. baad azan Delhi police naay ek qatal ka muqadma darj kar ke tehqiqaat ka aaghaz kiya tha. baad mein Delhi police nay yeh maamla Delhi crime branch ko saump diya. Delhi crime branch nay qatal moamma hal karne ki karwai injaam ki . – YTN STAFF