Cairo: Jagah jagah hungama aur behooda harkato ke liye mashhoor Roosi Model Kinsey Wolanski ku Miser mein Aljazera ke Ahramaat ki chouti par chadhne ki koshish mein giraftar karliya gaya hai. 2019 mein Europe Champion Tournament Final mein taqreeban be libaas ho kar poanch kar hungama karne ke baad Wolanski ka ye ek naya tanaza hai. Kinsey jab Jiza pohnchain to koi inhen pehchan nahi saka. Unhoun ne Imerat ke ilaqay mein apni video bana kar Instagram par jari ki.
Kinsey ne wahan khaday hokar apni working team ke sath taaruf karwaya, Aur soraj ghuroob honay ke waqt unhoun ne Emarat ki chouti ser karne ka programme shuru kiya. Fashion model ke ek dost ne video ke douran Kinsey ki tavajja mabzol karwai ke baghair ijazat naame ke Ahramat ki chouti ser karne par Misri security ohdedar giraftar karne ke liye araha hai.
Video Clip mein ek Misri ohdedar ko Kinsey ke ek dost ke sath behas karte hue dekha jasakta hai. Misri ohdedar Kinsey ke dost ko bata raha tha ke Jiza ke Emarat par chadhne ke liye baqaida ijazat nama lena hota hai aur Kinsey ye kaam baghair ijazat naame ke kar rahi hain. Kinsey ne Emarat se mutaliq apni muhim joi ki manzar kashi Misri police a station ki aks bandi par mukammal ki. Kinsey ko ek raat police station mein guzaarna pari jis ke baad agli subah inhen raha kar diya gaya.
Kinsey ne apna bayan ye keh kar khatam kiya ke mein 2019 ke aakhri lamhaat ko yadgar banana chahti thi. Mera khawab poora hogaya. Emarat Al Youm ke mutabiq Kinsey ne 2019 mein European Champion Tournament Final mein muhim joi ka muzahira kiya tha, Jis mein Liverpool ki team jeet gayi thi. Is Tournament mein Misri football star Mohammad Salah bhi shaamil they. Kinsey is Tournament mein taqreeban be libaas hokar pohanchi then. –YTN STAFF