Mudhole. halqa assembly Mudhole ke Rajiv Gandhi University of Knowledge Technologies ( IIIT ) Basar mein Engineering II year ki Taliba ney teesri manzil se chhalang lagaakar khudkushi karli. tafseelaat ke mutabiq IIIT Basar engineering saal doum mein zair taleem Anusha naami Taliba ney teen manzila imarat se chhalang laga kar khudkushi karli Taliba zila Siddipet ke mauza Mandapally ki mutawattin hai. Khudkushi ki wajah mohabbat mein nakami batayi jarahi Taliba ki kitaab se College intizamia ko aik khudkushi note bhi araamad huwa hai jisay police ke hawala kardiya gaya hai. Police ney is khusoos mein aik muqadma darj karte hue tehqiqaat ka aaghaz kardiya hai. Laash ko postmortem ke liye sarkari hospital bhaij diya gaya hai aur mutwafi Taliba ke arkaan e khandan ko mutalla kardiya gaya hai.