New York: Agar aap ke Bank Account mein achanak arboun rupay ajayeen to aap ki kefiyat kiya hogi? Ye sawal to achchca hai lekin agar haqeeqat mein aisa hojaye to aap waqai soch mein par jayen ge ke kahin ye pesey ghalti se to aap ke account mein muntaqil nahi hogaye? America se ek heraan kun khabar aayi hai jis ke mutabiq Bank ki ghalti ke baais ek khatoon arab patti ban gayi hai khabar sun kar khatoon khud bhi heran reh gayi.
Tafseelaat ke mutabiq Americi riyasat Texas mein ek Bank ne aisi ghalti karte hue ek khatoon ko ek pal mein arab patti bana diya. Ye khatoon riyasat Dallas se talluq rakhti hai, Jis ka naam Ruth Balloon hai, Khatoon is waqt heran reh gayi jab haftay ke aaghaz mein apna Bank account check kiya to unke account mein izafi raqam mojood thi, Ye raqam 3 crore 70 lakh Americi Dollar thi.
Ruth Balloon 2 bachon ki maa hain, Inhen ek lamhay ye yaqeen hi nahi aaya ke kisi ne inhen 3 crore 70 lakh dollar ki raqam bator tohfa day di hai, Taham wo janti theen ke agar aisa hojaye to unke liye bohat achchca hoga. Apne sath pesh aeye is waqeye ke barey mein khatoon ne kaha ke jab mein apne Bank account ko jaanch rahi thi aur is ke liye jab mein ne apna Bank account login kiya to mujhe maloom huwa ke mere account mein 3 crore 70 lakh dollar ki tarseel hui hai.
Unhoun ne bataya ke mein is barey mein Bank se baat karna chahti thi, Taham Bank ke auqaatkar khatam hone ki wajah se aisa nahi kar saki aur isi waqt mein ne is Transcation ka screen shot apne shohar ko bheja aur unse daryaft kiya ke hamaray account mein itne pesey kahan se aeye? khatoon ka kehna tha ke wo heran reh gayeen ke hamaray paas itne saaray pesey hai.
Khangi Bank ne is khatoon se khud hi rabita kiya aur wazeh kiya ke ye koi tohfa nahi hai balkay ye Bank ki taraf se hone wali ek ghalti hai. Is pegham ke sath hi Bank ne moazrat karte hue khatoon ke account se raqam wapas nikvali. Is hawalay se mazkoorah khatoon ne kaha hai ke kash aisa hota ke koi hamein waqai 3 crore 70 lakh dollar day deta, Mein crore patti ban jati. Ruth Balloon ne is raqam ko dekhte hi apne khowaboon ko poora karne ke baray mein sochna shuru kardiya tha.
Unhoun ne kaha ke sab se pehlay mein is raqam ka 10 feesad atiyah kar deti, Is ke baad mein Real State mein sarmaya kaari karti. Is raqam ke haqeeqi mano mein muntaqil hone ke bawajood mein ye janti thi ke ye raqam hamari nahi hai, Aur mein wo raqam kharch nahi kar sakti jo hamari malkiat nahi hai. –YTN STAFF