Hyderabad: Azeem Premji university ne apne full time post graduate programme mein dakhlay ka elaan kiya hai. Dakhlon ke liye jo programme pesh kiye gaye wo is terhan hain. 2 sala post Graduate programme mein dakhlay ke liye ahliat kisi bhi shobay mein Bachelor ki Degree ka hona kaafi hai jis ke baad talba, MA Education, MA Development, MA Public Policy aur Governance, MA Economics shaamil hain jabkay 1 sala programme mein bhi dakhlay diye jarahay hain jis ke liye ahliat qanoon mein Bachelor ki Degree ka hona kaafi hai jis ke zareya LLM Law and Development mein dakhla liya jaskta hai.
Azeem Premji University ke chief operating officer S. Giridhar ne kaha hindustan mein taleem aur taraqqi ke shobo mein achi terhan se tayyar aur purazm farigh althsil afraad ki bohat zaroorat hai, Jis ki wajah masail ki pemaiesh aur paicheedgi aur wasee pemane par salahiyatoun ki kami ko poora kiya ja sakta hai. Dakhla ka amal aur tareekhen tey ki ja chuki hain jabkay talba University ki Website par online darkhwast day satke hain. Darkhwast dahindgaan ka intikhab short list talba ke tehreeri Test aur infiradi Interview ki bunyaad par kiya jayega.
Ahem tareekhen darkhwast daine ki aakhri tareekh: 22 January 2020
Dakhla Test ki tareekh: 8 February 2020
Interview ka aaghaz March 2020 mein hoga
Offer latters April 2020 mein jari kiye jayenge jabkay taleem ka aaghaz July 2020 ko hoga.
Scholarship. Tution aur rahaish ki zaroorat par mabni wazaif ( 100 feesad, 75 feesad, 50%, aur 25 fesad ). Kam se kam 3 saal ka tajurbah rakhne walay umeedwaroun ke liye 50% Tution Fees ka Discount faraham kiya jaraha hai. Dakhlay ki mazeed tafseelaat ke liye Tool Free Helpline 1800 843 2001 ke ilawa E-mail: admitted@apu.edu.in aur Website mulahiza Karen. www.azimpremjiuniversity.edu.in/pg