Rampur: Samaaj Wadi Party ke rukan Parliament Azam Khan ki paishgi zamanat ki darkhwast mustarad honay ke baad jumaraat ke roz Uttar Pradesh Police ki janib se un ke banaye huwe aik school ke liye zameen qabza karne ke ilzaam mein daketi ka muqadma darj kya hai.
FIR mein Senior rehnuma ka naam sabiq circle officer Ali Hasan, Fashahat Shanu, Virendra Goyal aur Constable Dharmendra ke sath daketi, sazish aur jealsaazi ke ilzaam ke tehat darj kiya gaya hai.
SP Rampur, Ajay Pal Sharma ke mutabiq shikayat kanandah nanhe ney ilzaam lagaya hai ke Khan aur deegar logon ney is ki zameen chean li aur uskay ghar ko munhadim kar diya.Nanhe ney kaha ke woh yahin par nahi ruke, unhon ney is ki samaan, zewraat aur is ke maweshi bhi chean liye.
SP ney bataya ke tafteesh ke douran yeh shikayat durust saabit huwi thi ke Rampur Public School ke liye jabraan zameen li gayi thi. Jis ke baad FIR darj ki gayi hai. Is se qabal bhi shikayat kanandah Nanhe ney 15 October 2016 ko FIR are darj karayi thi, magar koi karwai nahi huwi thi.
Azam Khan ney is se pehlay Rampur mein un ke khilaaf darj araazi par qabza ke 29 muqadmaat darj honay par paishgi zamanat ke liye darqhasat di thi, jin mein se 28 muamlay Aliganj ke kisanon ki janib se darj ki gayi FIR se mutaliq hain. Charshambe ko unki darkhwast kharij kar di gayi thi.