Ayodhya : Ayodhya tanaza par samaat tez hotay hi Vishwa Hindu Parishad ( VHP ) neh bhi Karsevakpuram mein pathar tarashi ko tez karna shuru kar diya hai. VHP ke tarjuman’ Sharad Sharma ne kaha ke’ ‘ yeh faisla Ayodhya title suit case ki rozana samaat ke liye Supreme Court ke faislay ke baad liya gaya hai.
Karigaroun ki kami ki wajah se is waqt workshop mein patharon ki naqsh wo nigaar ka kaam jari nahi hai. lagh bhag 10-12 karkunaan khudi hui slabs ki safai mein masroof hain, jin par barson se dhool jami hui hai. workshop mein wahan mojood stone slabs aur mujawaza mandir ke liye rakhay gaye stones ko bhi saaf kiya ja raha hai. baqi pathar taraashney ke liye jald hi rajasthan se mazeed karigaroun ki khidmaat haasil ki jayengi.
Sharma ne kaha ke hum pehlay hi taqreeban 70 feesad kaam mukammal kar liya hai, jo Ram Mandir ki zair-e-zameen manzil banayega. unhon neh kaha jab se Supreme Court mein samaat ka aaghaz hua hai, ram ke bhakt bhi pur josh hain. workshop mein ek baar phir se sargarmi badh gayi hai. mandir ke liye banay naqsh daar pathar ko saaf kiya ja raha hai.
Tanazeaat jari hain aur ayodhya aur deegar maqamat ke stones ke pathar tarashi ko taiz karne ka faisla kya jaye ga. Karsevakpuram mein munaqidah work shop mein do bade pathar cutters, ek shedaur mujawaza mandir ka lakdi ka namona hain. Ek taraf workshop ke amlay aur karigaroun ke liye quarters hain.
zaraye neh bataya ke Ram Janam bhoomi Nyas, VHP aur ayodhya Sant Samaj ke memabraan jald hi patharon ki tarakib ke amal ko taiz karne ke liye mo-asar iqdamaat ke liye mulaqaat karenge.
Ram Janam Bhoomi Nyas ke sarbarah, Mahant Nritya Gopal Das neh bhi patharon ki naqsh wo nigaar se mutaliq kaam ko taiz karne ki zaroorat par zor diya. unhon neh kaha ke ”hamein tawaqqa hai ke November tak adalat mein is maamla ki samaat mukammal ho jayegi, jis se ayodhya mein Ram Mandir ki taamer ki raah hamwar hogi. lehaza, patharon ki naqsh wo nigaar se mutaliq kaam ko taiz karne ki zaroorat hai.
VHP ko yaqeen hai ke chief justice of India Ranjan Gogoi ke subukdosh honay se pehlay, Supreme Court November mein ayodhya case mein apne faislay ka elaan karegi. aur yeh bhi bharosa hai ke adalat ka faisla mandir ke haq mein hoga. –YTN STAFF