New Delhi: All India Majlis-e-Ittehad-ul-Muslimeen ( AIMIM ) ke sar barah Asaduddin Owaisi ne peer ko Lok Sabha mein mutanazia shehriat tarmeemi bill ko phaad diya, Jabkay is behas mein hissa letay hue is bill ko ”Muslim baradri ke khelaaf “ Qarar diya. Hyderabad ke rukan parliament mein is bill par aitraaz karne ke baad, Is bill ki 1 copy dete hue kaha ke ”Secularism ayeen ka bunyadi dhancha hai aur bill fitrat ke lehaaz se mann maani aur bunyadi haqooq ki khilaaf warzi hai“.
Unhoun ne kaha ke ye bill mulk ke dastoor ke khilaaf hai aur ye un logoun ki tauheen hai, Jinhoun ne hindustan ko azad karane ke liye jad-o-jehad ki thi. Shehriat tarmeemi bill mulk ki dobarah taqseem ke mutradif hai. Ye qanoon Hitler ke qanoon se bhi bad tar hai.
Asad Owaisi ne Panel speaker se mukhatib karte hue kaha ke ”kya aap jantay hain ke, Gandhi jee mahatma kaisay bane.? Unhoun ne janoobi Africa ke national register card ko phaad diya aur jala diya tha. Isi liye wo is bill ko phaad rahay heen, Jo mulk ko todne ki koshish kar raha hai.
Owaisi ne kaha ke wazeer-e-dakhla Amit Shah ko is amal ko nafiz karne se ruk jana chahiye, Agar aap aisa nahi karte hain to aap ka Yahodi riyasat Israel ke baani David Ben-Gurion aur Hitler ke sath kiya jaye ga. –YTN STAFF