Mashriqi Godavri : Andhra Pradesh ke naib wazeer-e-aala an Nimmakayala Chinarajappa ke liye uss waqt ajeeb halaat paeda ho gayi, jab unhi ke halqa assembly ke logon ke gussa ka samna karna pada.
Nimmakayala Chinarajappa Pedda puram ‘ assembly halqa mein intikhabi tashhiri muhim ke liye gay thay, wahan ke log vikas ke mudday ko leker kaafi gussa mein thay. un logo nay Nimmakayala Chinarajappa ko assembly halqa mein intikhabi tashheer nahi karne diya. aur inhen mashriqi godavri zila ke Hussain puram gaoun se bina tasheer kiye wapas lout jana pada.
2014 mein Peddpuram assembly nishist se intikhab jeetnay walay Nimmakayala Chinarajappa ko muqami logon nay gaoun mein ghusnay tak nahi diya. aur unse baat nahi ki .
Muqami log mazkoorah gaoun mein kisi qisam ki koyi taraqqi ( vikas ) na honay se log kaafi naraaz aur gussa mein thay. wazeh ho ke Andhra Pradesh mein 175 assembly nishistoun ke liye 11 April ko raye dahi hogi, aur isi din riyasat ki 25 lok sabha nishistoun ke liye bhi vote daaley jayenge. aur nataij ka 23 May ko elaan hoga .- YTN STAFF