Amethi : Uttar pradesh ke zila Amethi mein itwaar ki sham Hujumi tashadud ka ek waqea paish aaya jis mein hujhoom neh ek mazdoor ko mout ke ghaat utaar diya, jabkay deegar aath afraad zakhmi hogaye.
It-tila-aat ke mutabiq, pratapgarh ke mazdooroun ke ek group ne apna kaam khatam karne ke baad sharaab ki dukaan par sharaab lainay ke liye ruke, unka dukaan ke bahar 1 shakhs se jhagda hogaya jo nashay mein tha. mazdooron neh is shakhs ko khatam kardiya, aur woh iski laash ko phainknay ki koshish kar rahay they ke ek dehati neh inhen door se dekh liya aur gumaan kiya ke woh kisi bachay ko aghwa karne ki koshish kar rahay hain.
Tabi wahan ek hujhoom jama hogaya aur inhen maarna shuru kardiya. zakhmion ko hospital mein daakhil karaya gaya hai aur halaak honay walay shakhs ki laash ko post mortem ke liye bhaij diya gaya hai.
Wazeh hoke bachon ko aghwa karne ki afwahen pichle ek mah se uttar pradesh mein hujumi tashadud ka baais bani hui hain. police ka kehna hai ke woh gaon ke sarbarahon se mil rahay hain aur logon ko aghwa ki afwahon se bachanay ke liye iqdamaat kar rahay hain. police neh bataya ke guzashta ek mah ke douran buland shehar zila se aghwake ilzaam mein logon par hujhoom ki janib se hamla ke taqreeban 12 waqeat hue hain. –YTN STAFF