Hyderabad: Mehakma janglaat ne Shamshabad mein Rajiv gandhi bain ul aqwami Airport ( RGIA) ke ird gird do phandey pinjra laga diye hain kyunkay yeh ittila mili hai ke chand haftay qabal se Airport ke ihatay ke qareeb ek cheeta nazar aaraha hai.
Cheetah ki moujoodgi ke baray mein ittila milnay par mehkama jangalat ke ohdedaron ne mauqa ka muaina kiya aur 10 camera trap lagaye. Unhon ne tendway ko pakadney ke liye trap pinjron ke alawa 10 aur camera trap bhi lagaye.
Mehakma ne Pehlay Airport ke ohdedaron ki Darkhwast ke baad cameron ka jaal lagaya jis mein kaha gaya tha ke cheeta jungli suwaroun ko maar raha hai. Taham cameroun mein suaroun ke Nishanaat ka koi suraagh nahi mila. Airport ke ohdedaron ki darkhwast masool honay ke baad mehakma ne mazeed 10 camera lagaye.
Jungalayati ohdedaron ne qareebi colonies mein rehne walay logoun se nah ghabranay ki darkhwast ki kyunkay mutadid ahteyati tadabeer ikhtiyar ki gayeen taham inhen chonka rehne ki hidayat di gayi hai aur khaas kar ghuroob aftaab ke baad ziyada ahteyat baratnay ki zaroorat par zor diya gaya hai.