Hyderabad: Mehakma janglaat ke ohdedaron ne kaha ke Rajiv gandhi bain ul aqwami Aiport ke qareeb tendway ke mojood honay ki it-tila-aat ke baad un ke zareya lagaye gaye khusoosi camera ne ek jungli billi ki tasaveer qaid ki hain jo is ilaqe may ghoom rahi hai jis se ye baat saaf hojati hai ke Aiport ke atraaf ke ilaqoun may cheeta ki mojoodgi ka awam mein jo khauf tha woh shak ki bunyaad par paeda hua tha kyunkay woh cheeta nahi balkay ek jungli billi hai taham wo kaafi sehat mant jis ki waja se pehli nazar may wo cheetah he mehsoos hone lagti hai.
Mehakma ke ohdedaron ne Airport ke ahatay ke qareeb mukhtalif maqamat par camera aur pinjre nasb kardiye thay. jis ke baad isi raat cameron ne jungli billi ki tasaveer haasil ki hain.
Mehakma ne Aiport ke ohdedaron ki darkhwast ke baad camera ke jaal ko phela diya. Aiport ke ohdedaron ne mehakma janglaat ke ohdedaron ittila di thi ke cheeta jungli suwaroun ko maar raha hai taham tehqiqaat ke douran tendway ki janib se is tarhan suwaroun ke shikaar ka koi suraagh nahi mila. Airport ke ohdedaron ki taraf se dobarah darkhwast masool honay ke baad jungle ke hukkaam ne mazeed 10 camera lagaye.
Mazeed cameron ko nasb karne ke baad jungli bill khauf wo haraas phail gaya tha. Is ka karwai mein shaamil jungle ke ek ohdedar shiva ne muqami awam aur aiport ke ohdedaroun ko yaqeen dilaya ke ye koi tendwa nahi hai aur ghabrane ki koi zurat nahi hai.