AIUDF ke sadar o rukn parliament maulana Badruddin Ajmel ki sarbarahi mein un ki party ke 2 member of parliament, 11 arkaan e assembly aur deegar ohdidaron par mushtamil aik wafad ney 23 March 2018 ko Sadar jamhooria janab Ram Nath Kovind se Rashtrapati Bhavan, Dehli mein mulaqaat ki. wafad ney guzashta maheena mulk ke majooda fouji sarbarah janab General Bipin Rawat ke zareya AIUDF ke talluq se diye gaye aik qabil aitraaz bayan par apna aitraaz o ehtijaj darj kar vaya, aur aik fouji sarbarah ke is siyasi bayan se aik secular aur jamhoori aqdaar ki haamil AIUDF jaisi party ko honay walay nuqsaan se waaqif karaya, aur mutalba kiya ke fouji sarbarah ko –apne bayan par safai dainee chahiye aur afsos ka izhaar karna chahiye. Sadar jamhooria ney wafad ki baten baghore sunen aur munasib karwai ki yaqeen dehani karwai .janab manzar bilal qasmi bhi wafd mein shaamil thay.