New Delhi : Delhi ke wazeer-e-aala Arvind Kejriwal ne chaharshambe ke roz NRC se mutaliq sawal ka jawab dete hue kaha ke ”agar qaumi dar-ul-hukoomat mein NRC nafiz ki gayi, to Delhi BJP ke sarbarah Manoj Tiwari ko pehlay shehar chodhna padega.
Kejriwal se pocha gaya tha ke Delhi mein sahafi par hamlay par Manoj Tiwari kehte hain ke bahar se ghusnay walay is ke zimmedaar hain. kiya Delhi mein NRC nafiz kiya jana chahiye..? is ke jawab mein Kejriwal ne kaha ”agr qaumi dar-ul-hukoomat mein NRC nafiz ki gayi, to Delhi BJP ke sarbarah Manoj Tiwari ko pehlay shehar chodhna padega.
Manoj Tiwari, Jo Delhi se lok sabha ke rukan bhi hain, assam mein NRC honay ke baad qaumi dar-ul-hukoomat mein national register of citizen ( NRC ) karwane ka mutalba kar rahay they. unhon ne media ko bataya ke ”NRC is liye ahem hai ke is shehar mein ghair qanooni ghair mulki tarkin watan ke rehne ka koyi record nahi hai, jo mulk ki salamti ke liye khatrah hain.
Tiwari ne kaha ke ”ghair qanooni tarkin watan ka koi record nahi hai, woh juraim bhi kar sakte hain, woh mulk dushman sargarmia bhi anjaam desakte hain. yeh mulk ke sath sath awam ki hifazat ke liye bhi khatrah hai. unhon ne kaha ke NRC un logon ko nishana banayega. jo mulk ke bahar se hain. Delhi mein muqeem hindustani, mulk ke kisi bhi hissay se talluq rakhnay walay log is se mutasir nahi honge. –YTN STAFF