Aab Kamari aur Bala Murghab azlaa mein hue tassadum mein kam az kam 27 Taliban halaak
Afghanistan ke soobah Badghis mein Taliban ke hamla mein Afghan Forces ke 30 ahelkaar halaak ho gaye. eid ke liye ki gayi jung bandi khatam hojane ke baad Taliban jangjuon aur Afghan Forces ke darmain ghmsan tassadum shuru hogaya hai. Afghan hakkaam ke mutabiq jung bandi ke baad Taliban ki janib se ki gayi yeh aik barri karwai hai. sobai governor Abdul Ghafoor malik zai ka kehna hai ke Taliban ney Badghis soobah mein Afghan security Forces ki do checkposts par hamla kya. Taliban jangjuon ney mukhtalif simtao se dhawa bol diya, kayi ghantay tak jari rehne wali larai mein Afghan Forces ke 30 ahelkaar maaray gaye. is tassadum mein Taliban ko bhi jani nuqsaan uthana para. sobai council ke rukan Mohammad Nasir Naziri ney toseeq ki ke Taliban jangjuon ney mangal ki raat der gaye Bala Murghab aur aabb kumar azlaa mein sikoriti posts par marboot hamlay kiye. unhon ney kaha ke Afghan Forces ney muasar jawabi karwai ki jis mein kayi hamla aawar halaak hogaye. darin asna sobai sikoriti ke sarbarah Ahmed Fahim Qayem ney kaha ke Aab Kamari zila mein tassadum ke nateeja mein kam az kam 15 militants maaray gaye hain aur zayed az 20 zakhmi hogaye. unhon ney kaha ke Bala Murghab zila mein tassadum ke nateeja mein kam az kam 12 militants halaak aur kam az kam 8 zakhmi hogaye hain. wizarat difaa ke zaraye ke mutabiq kam az kam 13 fouji shaheed aur 8 zakhmi hue hain.