Islamabad : Afghan taliban ne apne 11 members ke badlay 3 hindustani engineers ko riha kar diya. Peer ke roz media it-tila-aat milein, magar yeh nahi maloom hosaka ke taliban aur hindustan ke un afraad ka tabadlah kahan amal mein laya gaya.
It-tila-aat ke mutabiq Taliban ke Sheikh Abdul Raheem aur molvi Abdul Rashid ko bhi riha kiya gaya hai, jo 2001 mein Amrici zair-e-qayadat forces ke zareya be-dakhal honay se qabal taliban intizamia ke douran bal tarteeb Governor of Kunar Governor of Nimroz sobon ke baaghi group ke ahem rukan ke tor par kaam kar rahay they.
Taliban ke members ne tasaveer aur footage faraham kee, jis mein unhon ne daawa kiya hai ke riha honay walay members ka khaer maqdam kiya gaya hai. Afghan ya hindustani ohdedaron ne fori tor par is par koi tabsarah nahi kiya hai.
Wazeh hoke, May 2018 mein, Afghanistan ke shumali shobey baghlan mein ek power planet mein kaam karne walay saat hindustani engineers ko aghwa kiya gaya tha. aur kisi bhi group ne is aghwa ki zimmedaari qubool nahi ki thi, un aghwakaron mein se ek ko March mein riha kiya gaya tha, lekin baqi ke barey mein koyi ittila nahi mili thi. –YTN STAFF