Karachi: Pakistani Cricket Team ke sabiq All Rounder Abdul Razzaq ne kaha hai Virat kohli ke muzahiroun mein na qabil yaqeen istiqlal zaroor hai lekin wo legendary batsman Sachin Tendulkar ke zumra ke khiladi nahi hai. Abdul Razzaq mehsoos karte hain ke aalmi satah par cricket ka miyaar gira hai. Abdul Razzaq ne kaha ke 1992 taa 2007 ke darmain jis terhan ki cricket kheli jati thi is waqt jaisay aalmi khiladi ab mojood nahi hain.
Saal 2007 ke baad jab se twenty 20 cricket ka aaghaz huwa hai cricket tabdeel hochuki hai. Bowling, Batting aur Fielding mein maazi ki terhan geherai nahi hai. unhoun ne mazeed kaha ke kohli ko dekhye wo jis terhan ka score kar rahay hain is mein istiqlal zaroor hai lekin mein inhen Sachin Tendulkar ke hum palla ya is miyaar ke khiladi tasawwur nahi karta. Razzak jinhoun ne Pakistan ke liye 46 Test, 265 Oneday aur 32 twenty 20 muqablay khailay hain unhoun ne kaha ke maazi ki terhan is waqt aalmi miyaar ke bowlers bhi mojood nahi hain aur net mein senior khiladioun ko out karne ki bunyaad par inhen team mein muntakhib kiya jana mazhaka khaiz hai. Razzak ke namujab Pakistani team ki Australia mein shikast ki ek ahem wajah nojawan bolroun ka nakaam hona hai. Naseem Shah aur Hasnain ba-salahiyat bowler zaroor hain lekin itna jald inhen Test cricket khilana jaldbazi hai. –YTN STAFF