Hyderabad : Hafte ke roz, 100 sala qadeem imarat ”Nampally sarai“ ka ek hissa girnay se 2 afraad zakhmi ho gaye, zakhmi afraad ko hospital muntaqil kar diya gaya hai jahan un ka ilaaj jari hai. mazkorah waqea haftay ko saadhey chaar bajey ke qareeb us waqt paish aaya, jab nizaam ahad ke daur mein taameer kardah rest house ”Nampally sarai“ki doosri manzil ki chhat taiz aawaz ke sath gir gayi. us waqt bohat hi kam afraad uskay ihatay mein mojood they, malba girnay ke sabab woh zakhmi hogaye .
Is waqea ki ittila milnay par, nampally police mauqe par pohanchi aur zakhmiyon ko ambulance ke zareye hospital muntaqil kar diya. GHMC ki disaster rescue teamein mauqa par poanch gayeen aur malba ko hataya. GHMCke ohdedaroun ney imdadi kamon ki nigrani ki .
Mazkurah saraye ko 1919 mein Meer mehboob Ali Khan naay mukhtalif maqamat se anay walay musafiron ki sahoolat ke liye taameer kya tha. yeh imarat 2011 mein usay Hiritage Structure qarar diya gaya tha .