Lacknow: UP ke Chief Secretary RK Tiwari ne Uttar Pradesh ke tamam zilai Majistrates se kaha hai ke wo 30 November tak kesaanu ke adaad-o-shumaar may Adam mojood tazaad ko daur karne ko yakeeni banayen, taakay Pradhan Mantri kisaan sammaan Nidhi ( wazeer-e-Aazam Kisaan Scheme ) se faida uthany waloun ku 1 Decemeber se fawaid haasil hona shuru ho sakay.
Adaad-o-shumaar may tazaad ki wajah se wazeer-e-Aazam kisaan Scheme ke nifaz may dushwaryoun ka saamna karna padta hai, jo ahal kashtkaroun ko har saal 6000 Rupay ki aamdani ki imdaad ki zamanat deta hai.
Kisanoun ka ek bohat bada hissa, jo takreeban 1.3 Crore hai, Data ke masail ke sabab tark kar diya gaya hai. Chief Secretary ke khat may kaha gaya hai ke markaz ke portal par UP ke 1.11 Crore kisanoun ki Upload ki gayi maloomat ghalat hai. Portal par darj kisaoun ke naam unke Aadhaar Card may likhay gaye naamoun se mumasil nahi hain. agar usay durust nahi kiya gaya to kisaoun ko 2 hazaar Rupay ki chothi qist nahi miley gi.
Khat may mazeed kaha gaya hai ke kam az kam 20 Lakh kisaoun ke Bank Account ki tafseelaat ghalat hain aur inhen baad may Public Financial Managment System ( PFMS ) ne mustard kar diya. UP ke wazeer-e-Aala Yogi Adityanath pehlay hi mulk ki sab se ziyada abadi wali riyasat may wazeer-e-Aazam ke is mansoobay ke nifaz may khamion ko daur karne may sust rawi ikhtiyar karne par Adam itminan ka izhaar kar chuke hain.
Wazeer-e-Aazam kisaan Scheme ka elaan sabiq markazi wazeer khazana Piyush Goyal ne rawan saal February may kiya tha. is Scheme ke tehat tamam chhote aur pasmandah kashtkaar kam se kam aamdani may muawnat ke tor par 3 aqsat may har saal 6000 Rupay wusool karne ke ahal hain.
Wazeer-e-Aazam Narendra Modi ne Lok Sabha intikhabaat se qabal Gorakhpur may 1 hazaar se zayed kisaoun ko 2 hazaar Rupay ki pehli qist muntakil karkay is Scheme ka aaghaz kiya tha. –YTN STAFF